Dikhte hain mujhko vo saye
Jo baste hain logo ke andar
Sunayi hain deti unsabki vo baateinJo daba le jaate hain dil ke hee andar
Tinke uthata hu toote makano ke
Fir mai tham jaata hu unki deewaro pe
Sar fir ghumakar mai padhta hu lafzo ko likhte jo log
Ankahi baato se andekhe raazo se Roothe armano aur toote vishwaso se
Kyu dikhte hain mujhko bas banjar ilaake
Kyu dekhu nahi mai vo jo dikhate
Kyu dard hee dikhta hai haste un logo ka
Marz kyu na milta dimagi in rogo ka
Jitna bhi bhaagu mai apne khayalo se
Aajate vo mere aur paas
Har shaqs bhi lagta paraya sa
Fir banna na hota kisika bhi khaas
Kaise ginwadu hazaro khayal
Kehke to dekh mere kehte hain yaar
Hausla jutake jatane bhi baitha
Fir sunte hain vo bas jo hotho se kehta
Mai chahta magar mai jata nahi paata
Fir lagta mujhko shayad mai hee hu jhootha
To dhun me hee khulne ki aadat ab
Mujhko sadmo me jeene ki aadat ab
Udhaari me lene mai aaunga dhoop
Inn pishacho se jeet mai jaunga jab
Ab ek gupt baat mere mann me hai
Jaise chalta hai yudh ek rann me hai
Vaise chale mann ka roop
Mere saaye har din har pal me hai
Aaj aur kal me hai daba hua thoda sa farq
Kal saath haath pakde chalte mai aur mann
Bas sukoon na junoon na ghutan na dard
Aaj liye hu mai baitha usi mann se karz
Kyu chalu mai uss raah pe jaha pe koi manzil hai hee nahi
Kyu thamu mai uss bheed me jaha pe koi apna hai hee nahi
Aur yaad bhi aayi vo yaadien waha
Jaha dafn kar baithi thi apni parwah
Farq ni padta inn kashto se ab bhi
Bas darta hu khudko na karlu agwah
Bhagu mai chupu ya kone se liptu
Us dariya me lipt hu jisme hai behti zehreeli si soch
Itni zehreeli ki sadak pe chalta mai Socha hu karta ke kya
Hoga agar mere oopar se vaahan guzarne lage
Fir mera ye jism oopar gagan me yoon udne lage
Aur fir bole ye logo ko maut se humsab kyu darte hain
Ye to sirf jism ka tyaag hai
Darna hai to bas us pal se daro
Jab dhokha tum dete ho khudko hee
Jab chubhti hai baatien samaj ki
Jab pyar na karte tum apno se
Jab haar tum jaate sangharsho se
Jab saath na dete lachaaro ka
Jab rukte nahi tum iss hod me
Jab chote palo ko tum raund ho dete
Ye kehke ki mujhko hai banna bada
Par sach to bas itna ki jinko hai mil jaata duniya ka sabkuch
Vo firbhi na rehte hain khush
Aur unko tab banna fir hota hai aur bada
Itne khayalo ke chalte
Chal jaata hu poori sadak
Fir sone se pehle guzarish mai karta
Kaash ye ho jaata sach
In dhuno me mai khoju kinare
Ye kaisa tufaan jo thamta nahi
Kisine bachaya hai mujhko nahi
Ya shayad dooba hee mai rehta sahi
Aasu ke pehlu kyu bhaate mujhe
Milte kyu vo dil jo rehte bujhe
Itni tareh ki bechaini hai mujhko
Chikitsak chillade bachalo mujhe
Mai vikrit mai paagal
Ajeeb sa lagta rozmarra ki baato se
Jabtak na bharjata itna ye kalapan
Gaana banana majboori ho jaati
Par firbhi ye bojh daudata hai mujhko
Ye kehta ki mai uska eklauta yaar aur
Saath me sau tarfa pyar mai kar baitha
Sabki tanhayi se jab bhi chudakar mai bhaagna chahu
Dimag hai kehta ye chaal hai meri
Aur jab bhi lage ki mai roshni me aau
Raatien kehdeti deewani hu teri
Dishao se nazrein churata hu firta
Madhoshi me manzil aur kuch bhi ni dikhra
Vo poochen tu din yoon guzarega kabtak
Mai bolu ke jabtak na aa jaati sthirta
Par sach to bas itna ki jhoot mai bolu
Khushiya bhi dedoge fir bhi na badlu
Itne vo din jo guzare hain gardish me
Kaise mai bhoolu vo kaise mai bhoolu
Kyu chalu mai uss raah pe jaha pe koi manzil hai hee nahi
Kyu thamu mai uss bheed me jaha pe koi apna hai hee nahi
