بعد
وعد
رعدرعب
صعب
وقعت
سمعت
ضعت
بعد
وعد
رعد
رعب
صعب
وقعت
سمعت
ضعت
بصيت في المراية لقيتني ما أعرفنيش
أنا إبن إنهاردة ولا أنا إبن الماضي
واحد واقف قصادي مش سايبني أعيش
كتبلي الرسالة بيقول فيها الآتي
أما بعد هبدأ الكلام بوعد
هفضل معاك لو إنت رعد أنا برق
أنا رعب أنا الماضي الصعب
أنا إنت لما وقعت
لما الشيطان وزك وسمعت
لما إتعميت ولقلبك بعت
أنا الألم اللي في قلبك، أنا قلم كتب نعيك أنا
أنا قلم على خدك، أنا اللي هنتك كسرتك أنا
أنا علم على أرضك، محتل فاكرني حررتك أنا
مهما تكبر أنا أصلك، أنا جذور شجرتك أنا
بحاول ومش بإيدي، أنا عارف إنك مش حقيقي
بشاور على بكرة ومش بيجي (مش بيجي) يمكن تنساني وأكون أنا
إتولدت في ضلمة فطلعت شمعة (شمعة)
ممكن أبقى نور وممكن أبقى ولعة (ولعة)
الدنيا إختبار وإحنا زي النار
هنور ولا هنحرق إحنا اللي بنختار (اللي بنختار)
أنا جوة مني فكرة عايزة تحبسني (تحبسني)
الدنيا إدتني قلم غير الألم اللي في جسمي
مسكت بإيدي القلم غرزته جوة نفسي
رسمت بيه لوحة ومضيت تحتها إسمي
إسمع
غرزت جامد جوة نفسي بغرق (بغرق)
بحفر في اللاوعي بحاول أدرك (أدرك)
نفوخي شجرة عمرها ١٠٠ سنة
كل مدى بتتفرعن بقرب للسما
جذوري بتتدفن بنسى مين أنا (مين أنا)
بحاول أفتكر والذكريات مؤلمة
بخدر في الضمير بسكن في النفوخ
جوة مني أسئلة كتير محاوطها الخوف
بحبك ولا دي كدبة عايشها من زمان (من زمان)
يمكن أناني بحب نفسي عشان إنتي الأمان
بشوف نفسي بعيني ولا بعيون الناس
يا ترى أنا كداب ولا صادق في الإحساس
مهدئات مسكنات بتشطب على الأسئلة (على الأسئلة)
الدنيا هيروين والشخصية مدمنة
بحود شمال يمين عشان أهرب من التروما
بس كل الطرق بتأدي لـ روما
بحاول ومش بإيدي، أنا عارف إنك مش حقيقي
بشاور على بكرة ومش بيجي (مش بيجي)
يمكن تنساني وأكون أنا
بحاول ومش بإيدي، أنا عارف إنك مش حقيقي
بشاور على بكرة ومش بيجي (مش بيجي)
يمكن تنساني وأكون أنا
بعد
وعد
رعد
رعب
صعب
وقعت
سمعت
ضعت
